გაზელ ფაინანსის მიერ განხორციელებული ინვესტიციები 

ქართულ-ავსტრიული სკოლა ფესვები კერძო სასწავლო დაწესებულებაა, წარმოადგენს გახანგრძლივებული დღის რეჟიმის სკოლას, სამფეხურიანი სწავლებით და უზრუნველყოფს პიროვნებისა და სახელმწიფოს შესაბამის მოთხოვნათა რეალიზაციას. სკოლის მისიაა დემოკრატიული, ჰუმანური, ცოდნაზე ორინეტირებული, ყოველგვარი იდეოლოგიური წნეხისაგან თავისუფალი, მოქალაქეობრივი პასუხისმგებლობის მქონე, აქტიური ადამიანების აღზრდა, ქვეყნის ჯანსაღი ტრადიციების შენარჩუნება და მათი მორგება ევროპის ქვეყნების, კერძოდ, ავსტრიის მოწინავე გამოცდილებასა და აპრობირებულ მეთოდებს. სკოლის მიზანია მაღალი ხარისხის განათლების მიცემა,რომელსაც უზრუნველყოფს კვალიფიციურ პედაგოგთა გუნდი, განსაზღვრული საგანმანათლებლო პროგრამებისა და მეთოდების დანერგვით, გაცვლითი პროგრამებით ავსტრიაში. სკოლა ხელს უწყობს მოსწავლეს გამოუმუშავდეს ანალიტიკური აზროვნები უნარი, შეეძლოს გუნდური მუშაობის წარმართვა, განვითარდეს მრავალმხრივად. სკოლი ერთერთი პრიორიტეტია მოსწავლემ შეძლოს სწორად აირჩიოს მომავალი განვითარების მიმართულება.

კომპანია არდი 2010 წელს შეიქმნა. მისი ინიციატივით, სადაზღვევო ბაზარზე არაერთი ინოვაცია დაინერგა. საერთაშორისო აუდიტორულმა კომპანიამ BDO International-მა სადაზღვევო კომპანია არდის წლიური აუდიტი 2011 წელს დაიწყო. მსოფლიოს უმსხვილესი საერთაშორისო სამედიცინო ორგანიზაცია - International SOS კომპანიის ექსკლუზიური პარტნიორი გახდა. კომპანიამ "არდი" შექმნა გადაზღვევის მძლავრი სისტემა ცნობილ ფრანგულ, ბრიტანულ და გერმანულ გადაზღვევ კომპანიებთან. 2012 წელი გამოირჩეიოდა მთელი ქვეყნის მასშტაბით არდის ფილიალური ქსელის გაფართოებით, კომფორტული და კარგად აღჭურვილი ოფისების გახსნით. 2013 წლიდან, არდი საქართველოს 5 მოწინავე სადაზღვევო კომპანიასშორისაა, არდი წარმოადგენს კომპანიას, რომელიც სადაზღვევო ბაზარს პრემიუმ ხარისხის მომსახურებას სთავაზობს. 

გემოვანი აწარმოებს გამორჩეული არომატისა და ჯანმრთელობისათვის სასარგებლო თვისებების მქონე პურს "მზეთამზე".კომპანია იყენებს მხოლოდ ქართულ ენდემურ ხორბალს, რითაც ქმნის უნიკალურ შანსს საქართველოს ხორბლის ინდუსტრიის განვითარებისთვის. კომპანია შეისყიდის კახეთის, სამცხე - ჯავახეთისა და შიდა ქართლის ფერმერებისგან ლომთაგორასა და წითელი დოლის ხორბლის ჯიშებს. კომპანია აწარმოებს 11 ტიპის პურს. გემოვანი არის ბრენდი, რომელიც აერთიანებს მხიოლოდ ქართული წარმოშობის საკვებს.

პრაიმ ბეტონი არის ერთ-ერთი წამყვანი ქართული სამშენებლო კომპანია, რომელიც სპეციალიზირებულია ჰიდროტექნიკური და სამოქალაქო ინფრასტრუქტურის მშენებლობასა და მასალების წარმოებაში.

როგორც კონტრაქტორმა, ევროპის წამყვან კომპანიებთან თანამშრომლობით, პრაიმ ბეტონმა შეიძინა გამორჩეული კომპეტენცია და ფასდაუდებელი ექსპერტიზა შემდეგი მიმართულებებით:

საპორტო ინფრასტრუქტურა

წყლის ინფრასტრუქტურა

გზებისა და სხვა სამოქალაქო ნაგებობების მშენებლობა

დეგუსტო არის სწრაფი კვების ობიექტი, რომელიც ორიენტირებულია ჯანსაღი საკვების წარმოებაზე, რაც შეიძლება დაბალ ფასად. ამჟამად დეგუსტოს აქვს 10 მოქმედი ფილიალი.

აქ გელოდებათ მყუდრო გარემო და გემრიელი საკვები.

საქართველო მეღვინეობის მსოფლიოში უძველესი რეგიონია, აქ ღვინის წარმოება 8000 წლის წინ დაიწყო. ღვინის სიყვარული ქართველი ხალხის კულტურულ ღირებულებებში, რწმენაში და ადათ-წესებში უძველესი დროიდან ძირფესვიანადაა გამჯდარი. მსოფლიოში ღვინის კულტურის გავრცელებამ სათავე საქართველოდან აიღო.

დღესდღეობით, ქართული ღვინო კიდევ ერთხელ იქცა ნამდვილ აღმოჩენად და სამოთხედ მათთვის, ვინც განსაკუთრებულ, არაამქვეყნიურ გემოსა და ხარისხს დაეძებს. ღვინის თიხის ჭურჭელში, ქვევრში დაყენების უნიკალური ტექნოლოგიის გარდა, საქართველოში ყურძნის 500-მდე ავტოქტონური ჯიშია, როგორებიცაა საფერავი, რქაწითელი, ქისი და მწვანე.

მეღვინეობის როგორც უძველესი ისე თანამედროვე ტექნოლოგიების წყალობით, ყურძნის ამ ჯიშებისაგან დაწურული ღვინო უნიკალური არომატებითა და გემოებით გამოირჩევა. რა გასაკვირია, რომ საქართველო შემოქმედებითი მეღვინეობისა და პიკანტური აღმოჩენების კერად ითვლება.

მოსმიერში მიგვაჩნია, რომ ქართული მეღვინეობის საერთაშორისო ასპარეზზე შთამბეჭდავი დაბრუნების საქმეში წამყვანი ადგილი გვიჭირავს. ვთვლით რა, რომ ქართული ღვინის მომავალი მასობრივ წარმოებაში არ არის, ჩვენ პრემიალურ სეგმენტზე ვპოზიციონირდებით, რომლისთვისაც ხარისხი ყველაზე მნიშვნელოვანია. ჩვენ ღვინოს ყურძნის მხოლოდ უძველესი, საუკუნეების მანძილზე კახეთში მოყვანილი, ადგილობრივი ჯიშებისგან ვწურავთ.

ჩვენი ღვინის საწარმო ღვინის ტურიზმისათვის შექმნილი, ქართული ტრადიციული სტილისა და თანამედროვე ელემენტების შატოს განუყოფელი ნაწილია. იგი ვენახებს შორის, ფერდობზე მდებარეობს და თვალწარმტაც ალაზნის ველსა და კავკასიონის თოვლიან მწვერვალებს გადაჰყურებს. ღვინის ქარხნის გარდა, შატოში 250 ადამიანზე გათვლილი ბარ-რესტორანი, მასტერკლასებისათვის (მაგალითად, თონეში პურის ცხობისთვის) საჭირო კეთილმოწყობა, ეზო, შადრევანი, დიდი მოსასვენებელი ტერასა, სათვალთვალო კოშკი, ღვინის მაღაზია დასაგემოვნებელი ზონით და სარდაფში მდებარე ტევადი საწყობებია განლაგებული. არსებული კომპლექსის მახლობლად მალე 23 ნომრიანი სასტუმროს და ღია აუზის მშენებლობა დაიწყება.

ჩვენი ბრენდის სახელია მოსმიერი, რაც ძველქართულად ღვინის მოყვარულს, მოტრფიალეს ნიშნავს. კეთილი იყოს თქვენი შემომატება ჩვენს რიგებში.